Swissair beherrscht Basler "Bängg"
Bei den Schnitzelbänken dominieren die Swissair-Spottverse. Zu hören sind sie am Montag- und Mittwochabend in vielen Basler Beizen.
Zur enormen Beliebtheit der Swissair als Bangg-Sujet trägt neben der wirtschaftlich-politischen Dimension ihres Debakels auch die alte Rivalität zwischen Basel und Zürich bei. Die neue Schweizer Fluggesellschaft Swiss geht ja aus der Crossair hervor. Einer Tochter der Swissair, gegründet im Basel.
Crossair statt Swissair - Sparair statt Stümpair - Holländer im Cockpit - Waggis serviere Fastfood us Pole - das derf uns nit geniere Hauptsach am Fluugi glääbt e Schwyzergryz.
Honegger, Mühlemann und Spörri Sinn grosskotzti Zürcher Schnörri. Die laischte nyt, das isch kai Luug. Wänn nur vyyl Stutz und Gratisflug. Zer Zyrcher Mafia - sunneglaar Basst au dr Böög no wunderbaar. Dr Kopf hoch obe, hohl und faiss. Und goht grad hopps, kuum wird's em z'haiss. (die Gsalzene)
Nid Bruggiss-AIR, nid Villig-AIR und au nid Honegg-AIR, nid Leuebärg-AIR, Spoerry-AIR und au nid Corti-AIR, Loepf-AIR nid und Guet-AIR nid, es wär doch ehrlich-AIR, by sovyl Grämpf, wo gloffe sin, ganz aifach nur: GAUN-AIR! (Setzlig)
Ich ha my Woonig tabeziert und find sy irr. Tabeete sin so gail d Idee stammt au vo mir. Ich ha dye düürschti aane knallt mit aigne Händ. Jetz hange alles Swyssair-Akzie an de Wänd (dr Schorsch)
Sport-Tiefflieger
Solch subtile "Wallpaper"-Anspielungen sind indes weniger häufig als Analogien zwischen Swissair und Sport:
D Schwizer Abfahrer sueche s Zyyl no wie wild, do wird derte scho die eschtryychisch Hymne gschpilt. Kai Wunder, sinn die so drnääbe. Mit Swissair als Sponsor blybsch am Boode glääbe. Wenn s d Schi-Nati s nägscht Joor iberhaupt no gitt, denn hänn die als Sponsor sicher Araldit (Aigebreetler)
D Skinati und dr Sauber blaane e grosse Deal: E Dusch vo de Sponsore ereffnen iine neyi Zyyl. Mit Fliigel vo Red Bull lauft s uff dr Pischte denn wie gschmiirt und bi Sauber wär dank Swissair d Boodehaftig garantiert (Rätschbääse)
Swissair und Crossair, sali zämme. Grampfhaft hett me g'suecht nach neue Nämme Air FCB wurd ich jetzt saage. Die schtyge-n-uff und kemme ganz sicher wider oobe-n-abe (Muffty)
St. Jakob-Park
Der FC Basel ist selbstverständlich ebenfalls ein A-Thema im Bereich Sport. Auch zu bösen Assoziationen regt der triste Rasen im neuen Joggeli-Stadion an:
Im Joggeli unde, Sie, ych schtuun, isch dr Raase nit grien; är isch bruun. Är basst sich allem Aschyyn aa im e Dail vom Fanblogg aa! (Glettyse)
Uff em Raase graase d Haase, und im Wasser gumpe d Fisch! Wenn d Fisch gsehsch graase uff em Rase, denn waisch, ass im Joggeli-Stadion bisch.
Buureregle: Bim Aapfiff hörsch dr Blatzwart glööne: "Ych muess no zerscht dr Raase fööne." (Schuuflebuur)
Hilfsmittel im Sport:
In d Weschmaschine giib yych Hormon. Zwai Leffel ghyft Testosteron. Gmäss Abderhalden solls das ächt bringe. D Maschine haig meh Kraft bym Schwinge. (Käller-Assle)
Waschen, eines der bunten Wirtschaftsthemen:
E Schwyzer und e Euronote hänn mir zämme gwäsche. D Euronote kasch du denn wirgglig grad vergässe. Unsere Frangge schynt wie ney, erstrahlt in ganzer Pracht. Mir Schwyzer hänn mit Gäldwesch halt meh Erfaarige gmacht. (Rätschbääse)
In de Hanf-Lääde z Basel, do klingele d Kasse. Es herrscht jetz dr Hanfdampf in alle Gasse. d Polizei muess natyyrlig sofort reagiere und biesst wie immer - für sfalsch Parkiere. (Fäärimaa)
Ych sag zue däre Dame: schäm Di! Sitt Schtunde scho piebst bi ihne s'Handy. Aber naj, sait mir die alti Schwalbe: Dasch mi Sulzer-Glängg, wo giirt bim Tschalpe! (Glettyse)
Selbst Betriebe, die keinen Ton mehr von sich geben, kommen an die Kasse - sofern es sich um Medienhäuser handelt:
Tele24 mäldet ass si kai Programm me haige. TV3 duet numme no ihr Standbild zaige. Kai Äktschen kai Show, s wirggt alles total doot aigentlig genau soo, wies bim DRS sit Johre scho goot. (Schnäggedyssi)
S TV3 wird nymm betriebe und es isch au nymm vyyl übrig bliebe. Nur e Kaleidoskop, wo kunnt und goot die Schtaigeryg kunnt laider z spoot (Fäärimaa)
Bretzel-Alarm
Von allem was "draussen in der weiten Welt" passiert ist, hat George Bush mit Abstand am meisten Bangg-Echo - vor allem sein kulinarischer Zwischenfall:
Hesch als Bänggler dyyni Väärsli gmacht, mit guete Pointe und digge Helge. Het s Publikum vo Häärze glacht und applaudiert het me diir au. Dasch jetzt verbyy, doo gryffe d Yankee yy. Nur aimool machsch e Bombevärs und scho locht dää Bush dii yy. (Glugger Segg)
Wel d Yanke dä Bin Laden ums Verregge mechte griege, goht hemmigslos dr Bush Afghanistan go ummepfliege. Doch wo si in de Trümmer sueche - niene isch dä Megg: Ych hätt fir die e haisse Tip: Är schafft bim Brätzel-Begg! (Schwoobekäfer)
Bi däm Millionespiil do frogt dr Günter Jauch: "Was haut dr sterggschti Maa um? Wissen Sie das auch? A) isch s e Schogg oder B) e sydig Schätzeli? C) e Vyrus oder D) e gwöhnlig Brätzeli? (Die Blauäugige)
Dr Bush duet sich amene Brätzel erlaabe und gheit prompt druffaabe vom Stängeli aabe. Als Moral vo dr Gschicht mien mir Eich saage dr Blocher kennt au so e Brätzel verdraage. (Schreggschruube)
Die Schweizer Armee bot den Prügel-Leutnant-Skandal:
Im neue Laitbild jetzt vo unserer Armee do wird's uff jeede Fall zwei neui Reegle gee. Gstriche wird dr 100-Kilometer-Marsch drfür früsch yygfiert hänn sy jetzt dr Schutt in Arsch. (dr Schorsch)
S(o )V(iel) P(einliches)
Die zivile Bildung gibt mehr zu reden, speziell das in einem internationalen Vergleich schlechte Abschneiden der Schweizer Schulkinder:
D Lehrer syge schynts - mer hänn sy lo befrooge - hitte numme no Erläbnispädagoge. Jä, s'gröscht Erläbnis für e Lehrer isch es denne, wenn vo de Schieler zirka zwei no läse kenne! (d Zahnstocher)
E Studie bringts jetz uff e Disch, dass jede Finfte schuelschwach isch. Dr Blocher findet s gar nit schlimm, will das syni Wääler sin! (Bangg Rott)
Nicht alle "Bängg" sind toll!
Die SVP ist wie die gesamte Inlandpolitik nicht dominant bei den Schnitzelbänken. Nicht einmal die Expo, auf welche sogar die diesjährige Fasnachtsplakette anspielt, wirft hohe Wellen:
Mir drey leen die bleedi Expo aifach suttere. Es länggt scho, ass dr Schtaat duet Millione buttere. E riise Defizit isch alles, wo d erwarte kaasch. Do sage mir drey numme: lägg ys doch am Arteplage. (Schnäggedyssi)
Manche Scherze zur Expochefin Nelly Wenger sind indes unter der Gürtellinie. Shawne Fielding wird von mehreren "Bängg" etwas weiter oben begutachtet:
D Frau Fielding-Borer macht das guet, wie si d Schwyz z Berlin verdrätte duet. E kurze Bligg uff s Décolleté - scho kenne die d Schwyzer Bärge gseh! (d Filzluus)
Wie immer sind neben Highlights eben auch Bänke zweifelhaften Niveaus zu hören: So assoziieren etwa diverseste die "Sans Papiers" mit "WC" oder mokieren sich über Ruth Dreifuss' Garderobe.
swissinfo und Agenturen
In Übereinstimmung mit den JTI-Standards
Diskutieren Sie mit!